和平大使

可以同唔同類型既人做朋友；
一班人入面既buffer；
唔記仇

唔知幾時開始，我就將同時擁有呢三種特質既人定義為「和平大使」

自知做唔到和平大使，但其實身邊既朋友都不乏和平大使

有一位，art勁羽波/運動勁，讀書時惺惺相惜，到佢結婚，feel到佢honey都應該係和平大使，真係鄧佢開心過自己結婚！

有一位，讀書勁，做埋專業人仕，可以無顧忌咁傾計，好開心第一次係幫佢做兄弟！

有兩位，分別信德爆棚，同佢地和而不同，以前讀書/情場既事、依家返工屋企既事都可以互訴！


今日，係公司入面一位和平大使既last day！
其實佢唔係超級靚，但出去食飯時總係好多男人"目及"，甚至試過比陌生同性當面讚靚...咁我都認同佢係有一種氣質係度。我衷心欣賞佢o係deadair時或者對住同唔同既人，總係可以好自然咁搬到話題出黎，然後有來有往，改變氣氛，所以我好鍾意同佢講野。不過，有時又覺得佢太抑壓自己感受而唔識say no~

雖然識左唔耐，但當我知道佢遞信時就真心想恭喜佢！希望佢旅行/新工/生活愉快，日後請飲時記得請埋我就好~