開年飯

上星期一(18/2)第一次食開年飯，餐飯由事前既反感變到事後既"又唔係咁差"，可能因為有餐前節目搭救啦...
呢次食飯既地點係合和60樓既一間酒樓，事前我一知道個地點都有d喜出望外，因為呢度正正係我以前成日出沒既地方，開始有戚戚焉回憶既地方...

o個日放工之後，同同事搭地鐵去到灣仔，上到地面就係修頓，望翻籃球場...感覺...唔...經過通道，再過馬路就到春園街。過馬路既時候重會諗起間"細哈"，再行入去就係成日都好想食但堂食好貴既咖哩小廚，然後就係無冰凍奶茶好出名既金鳳(好似都未幫襯過)，行到就黎盡頭，就已經上新落成既天橋，通去胡忠同合和既連接天橋...

入到合和，見到間麥記又唔同左，我都冇機會o係3樓行個around就上17樓lu。上到去，我就一早諗住返去波記睇睇，點知同事都陪埋我去wo，HAHA!!一出合和17樓既時候已經見到double ming，之後見到ｄ放學既學生，又見到pk章...我o係門口同學校入面同同事一齊影相，HAHA，絕對冇諗過會同同事o係波記影相，真係幾特別~走之前重比我見到o個倨魚旦強!!!!!!!!!!!!!頂，呢個人賴死賴到e+!!!!!!!!!!!!!

之後，再去完4d間design school，我地就搭觀光電梯上56樓再轉電梯去酒樓...上到去，其實冇乜野做，玩下啤牌，其實都幾肚餓...之後老細翻黎開警訊賭檔，玩到好似7點幾8點先起菜。分左兩檯，大家食下、飲下、唱下、影下又到抽獎時間，我坐o個檯個勢好勁，係咁抽中$500現金獎，至於另一檯既人就係咁中吉之島$100現金卷，我都咁好彩抽中最後一個$500!!!!!!之後既壓軸抽啤牌鬥最大and最細我又中左獎...雖然係ｄ癈癈coupons，但原來係jenny好辛苦搵翻黎...都好過冇啦

開年飯呢一日其實比想像中好既