Reunion - KLC師第

My New Born 之後，一路有唔少野想講寫吓，但一路都懶得攪。依家儲到滿瀉，終於戰勝懶魔！

自７月尾，唔知點解聯絡翻一班唔知點解無左聯絡的friends。我同佢地都可以算叫做話係由細識到大．．．係由佢地細個時識既。係KLC讀中六時，佢地重係Form 1仔，我有份攪活動，點知就識左佢地。其實我一都以為我係ｏ係GP識佢地幾個，之後freind搭friend．．．

不過，上次食飯我先知道原來大部份都係攪天文及數學學會時，去佢地班宣傳時識。重記得當時佢地個個都天真無邪（係麥祖早熟左少少）．．．ｏ個時熟左佢地之後，去親佢地班房都走唔到，HAHA，好攪笑。到我讀IVE Year 1 時，就只係同牛屎、邦邦有聯絡，但都不時問翻其他人既近況．．．之後一過就４年，今次食飯雖然都係唔齊人，但咁耐冇見都好興奮。牛屎雖然冇我估”應該都牛高馬大”，但都唔係好認得佢，亦估唔到佢都MIT；吳國全就一如所料,成個人transform左一兩Size；Suki原本以為係吳國全的好朋友，但後來先知佢以前．．牛屎．．
我地食完間野飲ｏｋ既花園餐廳，就去打機、撚狗、碼頭吹水．．．出黎做野之後，我都好少去碼頭吹水咁邊緣啦，不過感覺都後生左。

上星期日，同樣牛屎吳國全怒踩＋K，見牛屎約人咁慘，我都醒起點解當年我憤然唔做約人ｏ個個．．．蟹～怒踩後，吳國全回家，牛屎同我怒唱古巨K，Suki唱左陣走人，我地直落睇波波，正！